اپنے پیٹ میں دوزخ بھر کر ہم حلال حرام کا فرق کیوں نہیں سمجھتے

مسنر نعیم کی فیملی آج کے دور میں ہر لحاظ سے خوشحال مانی جاسکتی ہے نعیم صاحب اور ان کی نصف بہتر آمدن کے ہر جائز ناجائز ذرائع کو بسمہ اللہ کرکے اختیار کرتے ہیں تبھی کمر توڑ مہنگائی میں بھی پر آسائش زندگی سے لطف اندوز ہورہے ہیں

اس دن میں مسنر نعیم کی ناسازی طبعیت کا سن کر ان کی عیادت کرنے چلی گئی وہ بڑی بااخلاق خاتون ہیں پلنگ پر دراز لیب ٹاپ ٹانگوں پر رکھے کسی سے مہو گفتگو تھیں میں سمجھ گئی ان کا سب سے لاڈلا چھوٹا بیٹا جو پڑھائ کی غرض سے حال ہی میں آسٹریلیا گیا تھا اسی سے بات چیت ہورہی ہوگی وہ مجھے دیکھ کر خوش ہوئیں علیک سلیک کے بعد مجھے بھی کہا بھائی سے اسکائپ پر سلام کرلو میں نے دیکھا باہر کی آب وہوا نے اس بچے پر اچھا اثر چھوڑا تھا فکر معاش کے لئے تو گیا نہیں تھا اس لئے بے فکر تھا مسنر نعیم نے لیب ٹاپ بند کرکے برابر میں رکھا اور بڑے ہی فکر مند انداز میں گویا ہوئیں

'میرا بچہ باہر جاکر بڑا ہی پریشان ہوگیا ہے وہاں تو حلال حرام کی کوئی تمیز ہی نہیں ہے کھانے میں اسلئے بچارا ڈر ڈر کر مارکیٹ سے کچھ خریدتا ہے کہ کہیں کسی چیز میں پورک شامل نہ ہو یا کتے بلے کا گوشت وغیرہ نہ پیٹ میں چلا جائے آخر مسلمان کا بچہ ہے جو چیز اللہ نے حرام کی ہے وہ کیسے منہ میں ڈالے'

میں ان کے یہ الفاظ سن کر حیرت سے ان کا منہ تکنے لگی کہ جب اپنے وطن میں دوسروں کا حق مار کر ناجائز کمائ سے حاصل کئے گئے لقموں سے یہی لڑکا اپنا پیٹ بھر رہا تھا تب اس کو اللہ کے حرام حلال کے قانون پر عمل درآمد کرنے کا خیال کیوں نہ آیا

ہم صرف پورک کتا بلی یا دوسرے حرام جانوروں کے گوشت کھانے میں احتیاط کرکے خود کو ایک باعمل مسلمان سمجھ لیتے ہیں جبکہ دوسری طرف مظلوم یتیم کا مال کھا کر ناجائز ذرائع سے حرام کمائ حاصل کرکے اپنے پیٹ میں دوزخ بھر کر ہم حلال حرام کا فرق کیوں نہیں سمجھتے؟

تحریر فرح بھٹو

'